bekende ys

Michael Whiteside

bekende ys om my ingewande ontdooi in die geel van die son
toegebinde grotte van my hart word pynlik weer bekend gestel
aan die lug, versuiwer van sneeuvlokkies, lug stowwerig
en swaar om in te asem, lug wat die vlees van die keel brand
verhitte oë opgeskroef teen die duisternis agter die helderheid
stuur pynboodskappies in flarde om diep in die skedel
vesting te vind tussen uitgeleefde bewyse van die verlede

oggendstond, ’n woestyn met vae verre grense, moontlikhede
soos melkwegsterre, enorme brandende versamelings gasse
vasgevang in massiewe langdurige ontploffings, omring deur
parasitiese blokke graniet en metaal en metaan in die goddelike
dans van die heelal, die rysende uitspattende gety onstuitend
in sy diasporiese pad tot die kritiese punt van egaligheid
voor die onafweerbare terugkeer tot die noodlottige ineenstorting

waar alles weer ys word, en die vraag van harte en oë
nie meer gestel word nie

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.