koggelram

Johannes Prins

jy sê 'n koggelram
ken nie einde nie
en in jou bakkie praat jy
          met god
of jy moet aansoek
doen vir droogtehulp
en jy plant 'n paar
hektaar knoffel
want dís dalk waar
die toekoms lê

jou oë vertaal
            die ruimte
en die reën
en praat van motte
ná die eerste water
wat eiers lê en ruspers
wat die veld verorber –
ons vat hande voor ons eet
en sê dankie,
dankie here

en een oggend
staan jou broer op
          en kom nooit weer
uit sy kop uit nie
hy slaan bal
                 na bal
jou pa sê dis maar hoe
die kaarte val en dat
die koggelram
nie einde het nie

LitNet: 20 Desember 2005

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.