17 september 2001 *

Vincent Oliphant

my kind
daar is ’n doodse fluistering
op die asem van die wind
daar is pyn en puin
en drome wat ontbind

net jy is onbewus
hier waar jy
in die krip van my gebede rus

buite is daar honger en is daar haat
wat swaarde en vlamme uit die lug loslaat

maar eendag
as hierdie hartseer dalk verstryk
en ek die vrede weer in die oë kan kyk
sal ons saam deur die verlange blaai
ek en jy
al sal jou hart stil word
en myne stom
oor dit wat reddeloos verby is
oor dit wat nooit sal kán nie
oor hierdie man
op wie se skouers
jy nooit kon ry nie

* ’n Gedig vir Jenna Jacobs, wat nege maande swanger was toe haar man in die Twin Towers gesterf het. Haar baba is ’n paar dae later, op 17 September, gebore. Lees ook 11 september 2001.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.