Johann Lodewyk Marais

Moira

Ons Sondagoggende was so helder,
ons, die klein kindertjies van die berge,
wat onder die donker sederbome
valdeurspinnekoppe se deksels soek
en met ’n stokkie oopsteek. Ongesteurd.
Ons, op die oggende van tee en koek,
wat aan die roosknoppe ruik en skater,
die purper dahlia se groot roset
uitmekaarmaak en op die grond laat val
en die salieblomme staan en uitsuig.
Ons, die kindertjies van die oumense,
wat met hulle emmers dun varkore
in die kerkhof met sy skewe stene
die band met ons voorvaders vernuwe
en ons alleen die paadjie laat afstap.
Ons, wat klein wegraak in die gras.
In my vroegste skrif staan my en jou naam
op ’n flentertjie papier langs mekaar.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.