Digters

Lise Smit

Al die mense met hulle woorde
het my dorp gesteel.
Turns out hulle het hulle harte hier gelos —
donker verskeurde hopies van smagting en sinisme —
maar dat ek dit op varsgeknipte grasperke
nooit gesien het in my kinderjare nie.

Die wind en winter was
volgens die datum van daardie bundel
al grys voor my geboorte.
Die gewels en eike se skadus verwar steeds
die vreesbevange skemerwandelaar
maar nou is die kleur van my kleuterpartytjies
so passé
klink die plekke wat swaar in my hart lê
se name soos dié van celebrities
wat pretensieus laat val word.

Moet ek nou eers ontdek
op ’n reis van literatuurmania
dat my eie herinneringe
in ’n vorige era reeds
ontdek en ontrafel is.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.