spyker in die kis

Elza Lorenz

ek wil sterf voordat ek dood is
as my bloed nog vrugbaar
en rooi is
voordat twyfel se swart moer sak
     breyten breytenbach

as die pers ’n purper peiling doen,
’n indierugse steekproef vir breyten,
doem die heilige katedraalmoord
van kantelberg op:
skuld deur ’n klomp gedeel
haal skaars ’n breukdeel vir een
onder die breë leserspubliek van wit,
vlekvrye wit gebroederde Burgers;
afrikaners elke liewe een
(ons Taal kort ’n woord vir mindless)

een messteek verdwyn tussen vele:
dis sege vir die dagbladskrum
byna soos, ja, die amabokke
vir verdorwe moer- en vaderland

voorgestelde kreet vir die span:

koki’s en ketters sal ons nie duld nie:
te hel met sy fokken gesnater
oor die stil kolk se spilpunt
van wyd oop lotusse op die water

hoe heet ons helde, ons naamlose helde
op die slagveld van geliefde wes-kaap?
want die ja’s reën vandag soos spiespunte
in die bloedbruin rug van die ou rebel

Grond toe vir jou Suid-Afrika!

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.