Op vrye voet

Elza Lorenz

Klanke een-een of twee-twee op ’n golf
kom alfa-alfa
en alfa/omega, want in die begin;
groei aan tot hordes armes in boepenslêers
wat swygend aandring op ’n leser.

Dringend, dié in ’n telefoonlui;
’n stem wat paai, verlei
en die vraag wat nog bly hang

mond en fone prewel babels
die bedesnoer van liefde
as die omegawoord sy wye draai begin.

Mense loop met klank in hulle koppe
spraak in opmars op hulle tonge;
maak skuifgeluide met dokumente
vol stiller slapende woorde
soos dié in koerante wat kans afwag
om moeiteloos by bewussyn in te glip,
te aborteer, in rioolwater te verkleur
of iewers nog dramaties in vlamme aan te meld
(te stamel en oop te skeur).

Klankgolwe van die dood stuur af
tot alles wat stu soos bloed
die oor bereik
en handgranaat die trommels bars:

stasies van die reisende woord
slu en listige Paradys-woord
want in die begin

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.