Brief aan Breyten

André Kotzé

Geagte Meester,

Vroeër het toegwyde onnies en dosente
dit reggekry om fans te maak
van lui matrieks en letterestudente —
fans vir Eybers, Krige en die Louws
en selfs ’n koue Opperman.

Ons is miskien produk
van lepel-ingegewe
stylfigure, metrum, rym.
Moes dikwels buk
sodat ons slimmer agterstewe
deur lyding en deur pyn
waardering vir poësie van voor
tot agter aan kon voel.

Maar ons begryp nie die helfte van wat jy wil nie.
Ons sien net nog ’n raaisel in ’n spieël.
Verstaan nie eers die appels wat ons skil nie!

Want jou weë is hoër as onsin
soos ’n god s’n moet wees.

Maar moenie worry nie.
Groter as jy is al by kranse afgestoot, gekruisig
en van volk vervreem.

Hoogagtend,
maar nie die uwe nie.
Daarom begin ons ook nie hierdie brief
met “Liewe” nie.

Jou volk.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.