My woorde is met rooi toue I

Theo Kemp

(elma ngindo)

my woorde is met rooi toue
om die enkels gebind,
hulle probeer haar soek in beelde wat die kop
soos negatiewes teen die lig hou
(hoe ver is die hande en die
kop nie verwyder nie?);

sy met haar rug teen die venster sing babawethu
o God jou hande is nie te kort nie; (die blou gerookte
buitekamer);
daar kom ’n tyd vir lag skryf sy op die foonboek

die spar-sak op die skoot; die telkomtiekieboks
is haar laaste groet in groen en blou;
die dae jaag verspil verby soos die stompies
wat sy in die baksteengleuwe druk

vandag na maande soek ek weer
my hande klou die beker
vergeefs —
die laaste beeld versuip my woorde telkens
toe die dag om 6 in ’n pienk gown vol pille
vir haar stol.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.