Indertyd

Joan Hambidge

Ek wat vir so lank my kon oorgee aan stilte
aan niks, aan nada, aan woorde klank
soos ’n stom mens, verlang skielik
tussen ’n harde komputergame
— James Bond is op ’n missie —
en kospotte wat op die maat
van “die naam is Bond; James Bond”
saamprut en ’n CD-speler wat rap,
’n deurklokkie wat ongenooide gaste
inbring soos glas wat breek

na guntertyd. Na indertyd.
Toe ’n verbeelde James Bond,
met ’n lisensie om te dig.
Op ’n missie van weg, weg
van aansprake en geraas
tot in die oog van ’n gedig.
Na waters waar rus was ...

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.