Joan Hambidge

Unfinished business

Om op ’n tydloos-volmaakte vers te wag
so onmoontlik as ’n buite-egtelike verhouding:
in die Medina-Marrakesh wag
jy op die tydsame minnares. Beloer
tersluiks die wys-later-as-gewoonlik
horlosie. Buite stuifreën dit afwagting:
drink dit weg met Triple Sec.
Sal jy opdaag? Al is dit nie in die gedig
mag die affaire haar hopelik terugbring
na die geliefde wat ongeduldig
wag op ’n gedig wat nie wil begin nie;
om op ’n volmaak-bevredigende vers te wag
is om met die muse te flankeer ...
hier sit almal besig om tyd
(vergeef) anglisisties dood te maak.
Blaas rookwolke: as is verbrande hout.
En my horlosie se wysters skryf:
“You’ve been stood up.”

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.