Thérèse Fensham

hendrik

hulle het vir jou ’n wit keps
hemp en broek aangetrek
ek was twaalf
gebrainwash in pretoria
uit jou vel skyn die koffielamp
tussen smakelose bleek gesigte
(ek het nog altyd ’n oog
vir ’n mooi man gehad)

terwyl jy bacon, eiers,
pap en wors bedien
praat hulle - bolwang addelloses -
aanmatigend
oor hoe skelm die xhosas is

jou oë is gelate skerms
jou ore windmeules
wat vol geborge wete
stiltrots terug kombuis toe
draai
steeds babbel die oop monde
soos verraderlike dongas

vanaand trek jy terug na die stad
van vure en as
sprinkel jou spore waar hulle
nie wil hoor nie
flankeer in hokkies waarvan hulle
niks wil weet nie

maar ek, die sogenaamde kroonprinses,
sit klaaglik onbewus
en kyk twee oulike boude agterna
wonder skalks waarom ons twee, soos
dag en nag, dan nie bymekaar
mag wees nie ...

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.