Kobus Faasen is gebore op Harding en het sy eerste vyf lewensjare hom gate uit geniet op Umzimkulu, op die ou Transkeise grens. Op Vredenburg het hy ná sy pa se dood vir die eerste keer laasgenoemde se gedigte oor sy wedervaringe as krygsgevangene in Italië onder oë gekry. Kobus het as veertienjarige saans skelmpies in die bad begin skryf, in ’n ongebruikte huiswerkboekie. Dit was vir hom baie lekkerder as draadtrek, dié geheimsinnige spel met woorde. Die woorde het soos water uit ’n kraan gevloei. Deesdae sukkel Kobus egter om sy muse terug te kry. Hierdie liefde van hom is geruime tyd al afwesig sonder verlof, sy flankeer achterbergagtig doer annerkant die blou berge. Die skrif is dus aan die kubermuur: verworwe skryfgebreksindroom, fokkol kuur.

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.