Kalkbaai

Louis Esterhuizen

By Kalkbaai
hengel vroegoggend ek en my vrou
vanaf die hawemuur

Sy aan sy staan ons, kyk die stuwing
— wit flardes in groen — voluit
in die breek

Kaats dan gestringde sinker en aas
sekuur na waar die son bo die waterlyn
nog net ’n gedagte is

Nou is dit wag se beurt
— vinger op die lyn — die tyd veranker
met die sleurslag van branders
teen rots
terwyl die son minder terloops word
en die visserskuite in die hawe
agter ons
ingepakte sardiens

Dan die pluk en kap, die inkatrol
maar nee, weer probeer, en weer
daglank
tot uiteindelik deur die water
’n blinklyf naderkriewel, die uitlig
die skepnet
die oopbuig van die hoek
dan weer, die loslaat van ure
om vry te gaan

as flardes wit in groen
terwyl ons op die muur bly staan
— ek en jy —

met ’n wye see voor ons
en ’n nog wyer hawe
alomheen

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.