Ek weet

Carel Coetzee

ek weet hoe die horlosie tik
die sirenes kla en die kat jou naam vra
die oomblik toe jou kamer leeg was soos my hande
toe jy omdraai en loop

ek weet hoe jou oë my gesig afteken
jy ’n ander pad volg huis toe
jou kussing ’n nat spons teen jou oor druk
met herinneringe van jou huis in jou blik

ek weet hoe ons mekaar bly soek in woorde en prentjies
in ons regter- en linkerbreinlewens
jy met jou selfoon soos ’n bybel in jou hand
ek met my oorvol hart in my gedigteverse

ek weet ook dat jy eendag ’n nuwe deur gaan oopsluit
soos jou groot hart waarin ek nou skoene uitskop
en ons sal saambly met nuwe meubels dalk ouer koppe
en luister hoe die horlosie tik

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.