as musiek geskilder kon word

Carel Coetzee

soms
die winter reën soos kaap tussen mellville en die glasruite
      rakelings
wat wys na gekleurde modelle geparkeer voor restaurante
      gevlam met mens(e)
soms
herinner my aan jou
as druppels soos note plof en note jou naam vorm
sien ek jou in die koormistieke van Café Del Mar rakelings
      aan my muur
lek jy in vlamsilhoeëtte van Delirium oor die blink van my vloer
vervang die kristalstem van Delenta jou oogflitse fladderend
      oor die vertrek
sien ek jou in die viole van Vivaldi wat aanmekaar gevleg is soos
      tapisserie
soms
reën jy soos Paul van Dyk ’n massa stroom energie oor my
      ritmiese roetines
soms
verander musiek of reën of kleur in mense
en herleef hulself
in ons
en die wêreld het stil gebly
en jy
was geskilder
oor die doek van my geheue
(as musiek geskilder kon word)

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.