Nederlandse Taalunie-beurse

Dit is weer tyd dat aansoek gedoen word om die Nederlandse Taaluniebeurse wat jaarliks deur die SAVN aan studente vir studie vanaf die derde jaar toegeken word. Die beursgegewens is vanjaar later as gewoonlik uitgestuur omdat die SAVN op die besonderhede van die nuwe meerjareplan gewag het. Gelukkig is dit nou bevestig dat die Nederlandse Taalunie sy steun, wat betref beurse, onveranderd voortsit.

In die verlede is ’n ruim aantal merietebeurse jaarliks toegeken: R5 000 vir derdejaar-, honneurs- en deeltydse magisterstudie; R8 000 vir voltydse magister- of dokorale studie, asook enkele beurse met die oog op studie in die buiteland. Kandidate met ’n gemiddelde prestasie van 70% of hoër kry voorkeur en die voorwaarde is dat die studie ’n redelike komponent Nederlandse taal- en/of letterkunde moet insluit.

Onderwerpe vir die verhandeling of proefskrif moet óf verband hou met die Nederlandse taal en/of letterkunde óf ’n vergelykende fokus hê (Afrikaans en Nederlands). Aansoeke om beurse vanaf die magistervlak moet vergesel word van ’n behoorlike navorsingsvoorstel volgens die riglyne en voorwaardes soos deur die Nasionale Navorsingstigting (NRF) gestel. Sonder ’n bevredigende navorsingsvoorstel sal geen beurs ongelukkig toegeken kan word nie.

Doen asb navraag by Mnr Theo Kemp
E-posadres: fees@sun.ac.za
of
Dr D van Zyl
Dept Afrikaans & Nederlands
US.

Die sluitingsdatum vir aansoeke is 30 November 2002.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.