Dagdroom

Cornelia

En ek ruik heeldag
jou deo op my vel
Verplaas my gedagtes
na jou passievolle omhelsing en
ek dagdroom oor
die soetsagtheid van jou mond en
ekstatiese lading van jou aanraking
oor die angstige kontoere
van my liggaam en
waar ons die welbehae
in mekaar se oë kan sien
en drome -
en kommer wat weggeskuif is
vir die wyle
wat die behaaglike
ontlading van ons
ingehoue passie in
mekaar se vurige begeerte
kan duur en
verdwyning in ’n sone
van niksheid
vervul met
tevredenheid van
ontvlugting en
verlange alweer -
Tot die telefoon skel en
werklik lui en
die realiteit hom
langs my kom
tuismaak op
my kantoorstoel
voor my lessenaar

to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.