LitNet is n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.
Hierdie week word die gesogte virtuele LitNet Dopper
Joris-Oskar voor almal se neuse weggeraap deur:
En die uiters berugte virtuele LitNet Dopper Goris-Oskar
gaan hierdie week aan:
SA se Mej Dowe Wêreld
Ons eie Candice Morgan (22) is op 17 Julie in Praag as die nuwe mej.
Dowe Wêreld gekroon. Sy hoop om met haar nuwe titel voort te stry
vir die regte en erkenning van dowes, veral vroue, noudat sy 'n internasionale
verhoog het.
Sy speel Yashika in Dtv se dramaprogram Eve's Cradle en
berei voor om oor die Olimpiese Spele in Atene, waar dowe swemmer
Terence Parkin gaan deelneem, verslag te doen.
Staats-
amptenare
wat gehelp het
om vals huwelik-
sertifikate uit te reik
Volgens RSG het die regering met 'n landwye huweliksverifiëring-veldtog
begin na 'n bedrogspul oopgevlek is waarby duisende Suid-Afrikaanse
vroue betrokke is. Plaaslike amptenare het toegelaat dat buitelandse
mans Suid-Afrikaanse burgerskap verkry deur met vroue te trou wie se
identiteitsdokumente gesteel is. Hulle skei dan van die vroue voor hulle
dit uitvind. 'n Woordvoerder van Binnelandse Sake, Leslie Mashokwe,
het bevestig dat meer as drie duisend vals huwelike op dié manier plaasgevind
het. Die polisie het twee mense van Bangladesj in hegtenis geneem.