Inxeba Elingapholiyo Libotsha Lithungwa Liphinde Libhindle

Imihobe Kankululeko Peter

Savakala isithonga kanti kukuwa komthi weAfrika.
Yawa into kaDafulani ingakhange yayolela.
Sawa isithwalandwe somzi wasemaTshonyaneni
Kusabalele ngonyaka ka1993.
Sashiya iintsizi kwiintlanga ngeentlanga.
Abantsundu nabamhlophe bemadolw’ anzima.

Yasala inxunguphele iAfrika ukuwa kwento kaTshonyane.
Yangena iminxeba evela kwamanye amazwe njengovelwano.
Yanxakama iTranskei ingenakuzibamba.
Ukuwa kwalo mfo kwashiya amaAfrika engenakuthembana.
Lawa eli qhawe lashiya uDimpho engumhlolokazi.
Lawa eli qhawe lashiya iintsana ezingenatyala.

Ukuwa kweli gorha kwabangela unxunguphalo emzini wakwaHani.
Kwabangela unxunguphalo kwiAfrika iyonke.
Elentuthuzelo lithi xolani maAfrika ukuwa komthi kutyalwa omnye.

Nyaka ka1993 ulinxeba elingenakuphola.
Kuba ugawule umthi wenyaniso.

Yathi uhamba kwayo into kaTshonyane,
Yasuka yawelwa ngumzimba kanti kufike ixesha lokuhamba kwayo.
Mhla yathi abalindi bayo mabaye ekhefini.
Kanti ugqoloma kudala elindile.

Kukangaphi na sathi ukuwa komthi kutyalwa omnye?
Manxeba ethu ayabhidla yinkqubo eyenzekayo,
Kuba ithi imithi yethu isachuma iza kugqama,
Suke oogqoloma baxele isifo sikagawulayo.
Umona wona uyadyudya baphi na oSteve Biko?
Baphi na ooGriffiths Mxenge?
Baphi ooRobert Sobukwe?
Baphi na ooSolomon Mahlangu?
Bonke bamke nomona.
Phumlani makwedini kade nifezile.
Nisengummiselo kweli lizwe.
Nto ingasokuze iphele kukunilibala!

phezulu

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.