19 Maart 2003
AFRIKAANS OOR PRETORIA SE LUG (VIR GEZINA) ...
Ek en meeste van die ander deel jou frustrasie met die gebrek aan nuwe
afrikaanse musiek op die lug.
Goeie nuus is egter dat Radio TUKS (107.2 fm) nogal sterk ondersteuning
gee aan Suid-Afrikaanse (en Afrikaanse) musiek. Daar is n paar DJ-oukies wat BAIE hard probeer cool wees in Engels, met dik aksente, en hier en daar hoor jy die dowwe pop van ’n ryp puisie.
Hulle het egter vir Riaan van Heerden ’n paar oggende ’n week, en hy is baie meer professioneel as ’n paar jaar gelede. Ek was regtig verbaas toe ek vir die eerste keer in seker 5 jaar weer na hulle begin luister het.
Verder doen rsg (ja regtig) ook nogal baie, veral vroeg oggend en in
die aand, veral Vrydagaande. Mens hoor gereeld vir Spinnekop, Akkedis, Zoid en Kombuis. Selfs nou die dag ’n lied van Juff. Zoid gespeel met die woord “KAK” in, en Koos Kombuis se “16 jaar” song, met “Piele oppie Wiele al vir 16 jaar ...” in! Regtig! Ja daar is die odd Nadine of sulke crap ook op, maar ja, smaak verskil.
Maar wat met die Gemeenskapsradiostasies aangaan weet nugter.
Afrikaanse musiek was nog nooit so sterk en aan die groei nie. Selfs meer as in die 70’s en 80’s toe dit met die regime se hulp gedoen is!
Dit verkoop goed, die shows doen goed, hoekom ignoreer Highveld
94.7, Jakaranda en KFM ons?
Kristoe
terug
