15 September 2006
DIE LIBERALISTE ...
Met die onderstaande verstaan ek dat daar reeds bewese steun vir groepe moet wees om minderheidsregte op te eis, deur etniese politieke partye of deur minderheidsgroepe se volksrade. Daar is reeds baie volksrade buite die politiek in Suid-Afrika, maar die vraag is wie verteenwoordig hulle.
Indien daar groepe/volke is met lederegisters kan hulle mos deur hul eie parlement, wat volgens hul eie kultuur tradisies gestruktureer is, saamwerk met ander groepe? Maar eers sal die wat bymekaar hoort bymekaar moet kom, sodat hulle hul eie volksrade kan verkies.
Is Contraleza en die Khoe-Sanraad nie `n konsosiasie van Swart- en Bruinvolke nie? Waar is die wit volke se volksraad? Is die probleem nie "wie praat namens die volke nie? Selfaangestelde leiers of tradisionele leiers?
Is die begrip "demokrate" nie `n alles insluitende begrip nie? Die kenners sê dat daar hoef nie vooraf `n rasseklassifikasie of groepsgebiede wette te wees nie, want dit is absoluut natuurlik dat mense vir hul eie mense stem. Die liberaliste kan bly waar hulle wil, en hoef nie hul mond uit te spoel omdat mense op `n natuurlike manier wil groepeer nie.
Die magshebbers was en is nog steeds die probleem van wie regeer oor wie? Moet ons nie self `n Afrika demokrasie bou waar mense saamwerk binne gebiede, streke en die land sonder dat die een die ander kan oorheers nie? Dit is beslis nie apartheid nie, maar wel gelykberegtiging vir `n ieder en `n elk. Die eenheid deur die verskeidenheid met die magsewewig, sodat daar geen oorheersing van of deur een oor die ander kan wees nie.
Moet die demokrate nie begin om in woonbuurtes hul mense wat demokratiese waardes van - stem vir jouself in jou eie woongebiedsraad - bymekaar maak nie?
Is dit nie `n Afrika demokrasie waar politieke partye op woonbuurtvlak geen rol speel nie, omdat die bewoners van `n woonbuurt self verantwoordelikheid neem nie? Skep woonbuurtrade nie `n lederegister vir die verskillende volke sodat hulle hul minderheidsregte - as die demokrate - kan opeis nie? Herstel woonbuurtes nie weer volksgrense wat die Britse oorheersers vernietig het nie?
Politieke partye wat liberale waardes voorstaan kan mos hul lede dien ooreenkomstig aanraai om nie as lede van `n woonbuurtraad te registreer nie? Sal samewerking tussen woonbuurtes nie bewys dat die elite se mag beperk word deur medeverantwoordelikheid en medeseggenskap tot voordeel van almal nie? Maw dit kan lyk soos apartheid maar dit is beslis nie apartheid (segregasie) nie, omdat die elite se mag aan bande gelê word, en ook omdat almal saamwerk waar elke groep/woonbuurt dieselfde magte en kragte het.
Die Britse liberale elite het vir die bruin volke in 1828 gelykheid voor die reg gegee. Bestaan die bruin volke nog of net `n klein oorblyfsel? Al die volke van Suid-Afrika is nou besig met selfmoord omdat hul nie saamkom sodat hul minderheidsregte die staat se mag kan ontmoet om tot vervulde wisselwerking te kom nie.
Wat is die alternatief? Die huidige politieke stelsel waar `n sogenaamde meerderheids politieke party oorheers en die bevolking na hul insigte verander in `n Eurosentriese regeringstelsel?
Groete
Kobus du Plessis
terug
