Vinnige wenke vir briefskrywers "... ons strewe na zero-defek" Poësie en Fiksie: Stuur jou gedigte vir oorweging op PoësieNet aan: gedigte@litnet.co.za Kortverhale vir NetFiksie aan: netfiksie@litnet.co.za Send English poetry for consideration to: PoetryNet Short stories for possible publication on NetFiction go to: netfiction@litnet.co.za Expat-uithangplekke! Expats, LitNet wil weet waar julle uithang. Stuur die naam van jou dorp of stad “daar in die vreemde” aan expatnet@litnet.co.za, en laat weet waar julle met ander Suid-Afrikaners kuier. Jy kan naamloos bydra, of jou naam noem en/of jou e-pos-adres aangee. Taalteleskoop (Mis)leading with words to corrupt democratic South Africa (17/08) Spitsberaad oor Afrikaans in tersiêre onderrig (08/08) Jaco Alant gesels oor bemagtiging, taal en die Afrikaans-debat in die Coca-Cola-demokrasie (27/07)

8 September 2006

WILLA, KADYS, PIETER R EN PASCAL  ...

Willa, ek gaan probeer daai boek kry, ‘n ander insig so nou en dan help enige iemand. Dit klink na die moeite werd om te lees.

Kadys, joune ook. Ek hoop gou, ek sukkel om net SêNet te lees, maar sal probeer ‘n plan maak.

Pieter R, dankie vir die skrywe. Ek is so bly jy het “christelike gemeenskap” in die aanhalings geskryf. Ek het Christen vriende, en ek het by die meeste nog net goeie dinge ervaar. Geen veroordeling nie, net verstaan ek is nog steeds net dieselfde mens as wat ek altyd was. Gelukkig weet ek hoe om vriende te kies.

Pascal, baie dankie. Ek wou nie sommer weer in ‘n gesprek oor geloof betrokke raak nie. So baie mense sien dit so anders, en mens voel soms as jy nie dink soos die “erg” Christene nie, is jy heeltemal van die pad af.

Een van die goed wat jy skryf het my al baie laat wonder vir ‘n lang ruk. Jy skryf: “Dis die erkenning teenoor God dat geen goedheid by jou bestaan nie, want alles wat jy doen is steeds deurspek met sonde.”

Ek sukkel met daai stukkie Pascal. Ek ken dit baie goed en is nogal gereeld herinner daaraan. Miskien omdat ek is waar ek is op die oomblik met my geloof, dat dit net nog minder vir my sin maak. Iemand het geskryf oor dat ons volgens God se beeld gemaak is, en dus nie so sleg kan wees as wat ons dink nie.

Ek het al baie keer gaan sit en dink as ek iets vir iemand doen, wat presies maak dat daar tog nog sondes in is. Ek het byvoorbeeld geen verwagtinge van die persoon, ek wil nie iets vir myself daaruit hê nie, so wat is die sonde? Ek kon in erg baie gevalle nie die antwoord kry nie, en het toe maar begin glo dat ek tog baie goeie eienskappe het, waar ek nie sonde doen as ek iets vir iemand doen nie.

Ek glo dis nie wat jy bedoel het nie, maar dit klink so asof ons die heel tyd moet glo dat ons eintlik inherent “sleg” is? Ek is baie eerlik as ek vir jou sê dat ek nie dink ek is nie. Dalk deel van die time-out is om uit te werk of ek bereid is om te glo in iets wat my die heel tyd moet laat voel asof ek altyd “beter” kan word en doen, want eintlik is ek nie ‘n goeie mens nie.

My verstaan van Jesus is te beperk om dit vir my te laat glo.

Groete

Andries Wolmarans

terug

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.