6 September 2006
AAN HENNING ...
Ek maak graag as volg korte mette van jou briefie aan my:
GMV skryf `n brief waarin hy/sy min of meer te kenne gee hy/sy is op soek na die waarheid tov religie. Jy skryf `n briefie waarin jy voorspel dat onder andere die simpel ou Christentjies vir GMV gaan oorval met Christen-propaganda. Op dieselfde dag verskyn `n brief van jou sielsmaatjie, Donald Herman, aan GMV waarin eg `n `oordraging` oordra waarin kwansuis aan hom (Donald) sekere dinge oor die hel ge-openbaar word (weereens is die `oordraging` so onwaarskynlik dat mens de moer in word dat Don mense se intelligensie so onderskat ). Ek wys die ironie hierin aan jou uit. Jy reageer op my brief, maar handel toe glad nie met die kwessie wat die punt van my ou briefie was nie. Eienaardig.
Pleks daarvan val jy `n paar ander uitsprakies van my aan. Kom ons kyk dan nog `n bietjie mooier daarna as wat jy gedoen het:
Jy verwys na my ooglopend - frivolous aanmerking dat dit moeiliker is om regters en landdroste te bullshit as `n ateljeegehoor by `n Other Side - tipe TV-program, en probeer `n issue daarvan maak, hoewel ek nie doodseker is wat die punt is wat jy probeer maak nie. Vra jy my of ek dink regters en landdroste het `n bepaalde intellek? Indien wel, is die antwoord ja, ek dink regters het oor die algemeen `n beter intellek as die man op straat en darem meeste landdroste ook. Die punt is egter dat hulle opgelei is om getuienis, stellings en submissies krities te ondersoek, en ook in `n posisie is om dit te doen, deur vrae te vrae, te debatteer, ens. Die vraag is dus nie soseer die kwessie van intellek nie, maar, ligsinnig soos dit was, staan ek by die stelling wat ek gemaak het. Om vir George Bush en kabinetsministers in te sleep by die stelling dat dit moeilik is om regters en landdroste te bullshit, is darem té wyd `n draai om te loop.
Die ander punt wat jy aansny, is dat Gordon Smith al bewys is as `n persoon wat werklik met "Die Ander Kant" kommunikeer. Jy`t seker gemis dat ek redelik onlangs vir Donald gesê het dat ek heeltemal ontvanklik is vir die idee dat daar mense is wat aldus kan kommunikeer, en dat my enigste probleem met hom wat Donald is, die feit is sy dialogies so onwaarskynlik en vol gate is, dat selfs die mees onnosele magistraat hom by die hofsaal sal laat uitwerp. Of vind jy sy `oordraginge` enigsins geloofwaardig? Moet asb nie hierdie vragie systap nie.
Ek het nie `n klinkklare antwoord op GMV se vraag nie, en wat ek vermoed of glo in hierdie verband sal ek dalk ander dag deel. Ek sal wel vir jou sê dit behels nòg reptielgode nòg `n ou omie met `n grys baard.
Met ego in tak.
Dirk D
terug
