Vinnige wenke vir briefskrywers "... ons strewe na zero-defek" Poësie en Fiksie: Stuur jou gedigte vir oorweging op PoësieNet aan: gedigte@litnet.co.za Kortverhale vir NetFiksie aan: netfiksie@litnet.co.za Send English poetry for consideration to: PoetryNet Short stories for possible publication on NetFiction go to: netfiction@litnet.co.za Expat-uithangplekke! Expats, LitNet wil weet waar julle uithang. Stuur die naam van jou dorp of stad “daar in die vreemde” aan expatnet@litnet.co.za, en laat weet waar julle met ander Suid-Afrikaners kuier. Jy kan naamloos bydra, of jou naam noem en/of jou e-pos-adres aangee. Taalteleskoop (Mis)leading with words to corrupt democratic South Africa (17/08) Spitsberaad oor Afrikaans in tersiêre onderrig (08/08) Jaco Alant gesels oor bemagtiging, taal en die Afrikaans-debat in die Coca-Cola-demokrasie (27/07)

5 Augustus 2004

NOG OOR ANGLISISMES (VIR TIENS) ...

Jou brief is sommer baie interessant. Ek stem saam oor die wetenskap - my man bevind hom in die elektroniese ingenieurswese en is ’n groot voorstander van Engelse terme, omdat dit universeel is en Afrikaanse vertalings nét nie sommige tegniese begrippe goed genoeg saamvat nie. Leenwoorde is fassinerend. Dis altyd lekker om meer te weet oor die etimologie van ’n woord - dit maak mens se taalgebruik lekker skerp.

My ‘gripe’ is met die ver-Afrikaansing van Engelse woorde, om jou uitdrukking te gebruik. Nou sal geleerdes soos Joan Hambidge sê dat van dié woorde uit Nederlands kom en nie Engels nie. Aangesien ek vreeslik onkundig is oor Afrikaans "terug tot in die sewentiende eeu" (het dit toe al bestaan?) gaan ek nie met haar en oorle’ professor Combrink se groot geleerdheid stry nie.

Uit ’n taalwetenskaplike oogpunt gesien, het beide Afrikaans en Engels uit ander tale ontwikkel. Is dit dan wenslik om Engelse opstelle deurspek met Duitse woorde te skryf, omdat Engels oorspronklik uit die Germaanse tale ontwikkel het?

"The descriptive linguist does exactly what the term implies: instead of prescribing, she describes (vernacular) language use." Altwee menings (myne en die professors s’n) het dus eweveel bestaansreg.

Wat sê die ander mense?

Delilah

terug

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.