27 Januarie 2001
SENDELINGE EN VROUENS: PROBEER SIN MAAK ...
“Toe die sendelinge hier aangekom het, het ons die grond gehad en hulle die Bybel. Hulle het gesê ‘Sluit die oë’ en ons het gebid. Toe ons ons oë oopmaak, het ons die Bybel en hulle die grond.”
- Afrikaanse verhaal van onbekende oorsprong
“Wat ons [swart teoloë] wil doen is om die grond terug te kry sonder om die Bybel te verloor ... of liewer: om die Bybel te gebruik om die grond terug te kry.”
- Prof. Tinyiko S. Maluleke
“Die teloorgang van die Christendom as ’n soliede, deeglik geïntegreerde kulturele kompleks onder kerklike beheer in Europa, saam met ander faktore, het ’n romantiese drang onder baie sendelinge gestimuleer het om na Afrika en Asië te gaan om die lewenswyse van die ‘goeie ou’ dae van Christelike Europa te herbou en te herleef ... Wat meer is, sendelinge wat op verlof huis toe gegaan het was geskok deur sommige van die radikale teologiese aksente wat uit die nuwe, sekularistiese Europa voortgekom het. Hulle teologiese ‘tuisbasis’ waaraan hulle geestelike hulpbronne ontleen het in hulle konfrontasie met heidense ‘opvattings en bygelowe’, is onverwags ondermyn deur die aanhangers van ‘liberale teologie’. Die sendeling het skielik ontdek dat hy kultureel en geestelik ’n vreemdeling in eie huis was. Dit is geen wonder dat die ou, tradisionele, landelike kultuur [van Afrika] oënskynlik gepas het op sy drome oor die goeie ou Europa nie. Bewus van die feit dat hy niks kon doen om die golf van kulturele ontwikkelinge in Europa teë te hou nie — veral as sy opleiding hom slegs gekwalifiseer het om as sendeling oorsee te werk -, kon hy ten minste emosionele en geestelike kompensasie in Afrika bereik ... Die sendeling wou dolgraag met Afrika ‘trou’ noudat Europa ‘ontrou in haar liefde’ geblyk het ... Die Evangelie van Christus moet die swartmens nie net van sonde — in die klassieke sin — bevry nie, maar ook van die kwade gevolge van die ideologieë wat andere geformuleer het as teoretiese basis vir hul verhouding met hom / haar ... Die metodologie van Swart Teologie neem die situasie van die swartmens ernstig en probeer die evangelie verstaan in verhouding tot die ervaring binne daardie situasie”
- Manas Buthelezi
“Ons moet die moontlike gevolge van vroulike gesigspunte vir die kerk in Afrika in oorweging neem ... Soos vrouens toenemend hul ervarings deel, sal die kerk in Afrika gedwing wees om te luister na ’n groep mense wat tot nog toe geen stem gegun is nie. Die kerk sal nie alleen luister nie, maar sal ook verryk word met talente en gawes wat tot vandag toe nog nie ontgin is nie. Vroue sal moed en respek oes. As hulle mekaar hoor, Oos en Wes en Suid en Noord, sal Afrikaanse vroue hulle verhale begin sien as kollektiewe en korporatiewe verhale van God se geloofsvolk. Hierdie ervaringe sal hulself omvorm tot ’n litanie waarin onbenullighede stelselmatig agtergelaat word en patrone van gemeenskaplike triomf, uithouvermoë, verlossing en bevryding na vore kom. Afrikaanse vroue kan nie meer die wil om te verrys weerstaan nie.”
- Mercy Amba Oduyoye en Musimbi R.A. Kanyoro
“Die christendom in Afrika ... die herlewing van ’n nie-Westerse religie.”
- Kwame Bediako
(By the way, Jaap Uys en Piet Pompies se veronderstelling dat sending na ’n post-christelike Europa nouliks voorkom is gewoon foutief. Groot getalle (swart) sendelinge uit Afrika sak jaarliks op Europa toe in die (vir Westerlinge ongehoorde) oortuiging dat hulle iets oor spiritualiteit vir witmense te lere het.)
Gerrit Brand
terug
