Torings en terreur

René Bohnen

I: Stemme

Osama bin Laden:
My moeder tussen tien bruide is nederig
en ek onder vyftig seuns plus sewe vroom.
Ek en my broers kweek in rye groot rykdom
miljarde in Jemen en Jidda, in Mekka en Medina
vir jou, my bloedvader. Ons vader
my leemte. En streng Moslem die liefde.
Die heilige plekke állerheilig en heilig ook
is my gewyde hart. My vader
my vader is Afganistan, is Soedan
my familie Taliban
djihad, djihad,
heilig is die dood
in die dood van onheiliges
my Vader my Vader
Allah-u-Akbar
God is groot

Sinte Christina:
God is groot.
En heilig, heilig
die lewe én die dood.
Mens veg aaneen
in ’n leegte van mag
in ’n grot van nood.
Maar saam met jou broers
in die velde van ons vader
oes jy onmeetbare rykdom
in jou gewyde siel,
jou allerheilige hart
waar volheid en vrede
moedervader byeen
oor jou stede sal galm — jy is nímmer alleen.

Lees ook II, III en IV

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.