|
| |
|
|
|
Breytenbachs beantwoord vrae oor Nederlandse burgerskap en skrywervisumsVraag: My man het ‘n Nederlandse paspoort. Ons het egter nie enige bande daar nie en wil eerder ‘n paar jaar in Engeland gaan werk om werksondervinding oorsee op te doen. Sal sy Nederlandse burgerskap ons as gesin daartoe in staat kan stel om soontoe te verhuis? Antwoord: Ja, enige burger van ‘n Europese Unie-land kan verblyf in die VK opneem ingevolge die EU-ooreenkoms en is ook geregtig om hul familie saam te bring. Familie sluit in ‘n eggenoot, kinders onder die ouderdom van 21 jaar en enige ander familielede wat deel is van dieselfde huishouding en afhanklik is van die EU-burger. Julle sal vir jou en jou kinders moet aansoek doen vir ‘n EU-Familiepermit voor julle vertrek na Engeland. Jy sal ook geregtig wees om in die VK te werk, sonder enige werksbeperkings.
Vraag: Ek is in my vroeë veertigs, het al ’n paar boeke gepubliseer in Suid-Afrika en wil my ’n paar maande tot ’n jaar op die Engelse platteland gaan vestig onderwyl ek klaar skryf aan my volgende boek. Ek is selfwerksaam. Sal dit enigsins moontlik wees om ’n visum te verkry vir dié doel? Sal my vrou my kan vergesel as afhanklike? Antwoord: Ja, daar is inderdaad ’n kategorie in die Britse immigrasie-wetgewing wat skrywers toelaat om hul professie in die VK te beoefen. Om te kwalifiseer vir die kategorie moet jy jou buite die VK gevestig het as skrywer en primêr betrokke gewees het in die produksie van oorspronklike werk wat gepubliseer is (uitsluitende koerante en tydskrifte). Jy mag verder, onder andere, nie van plan wees om te werk nie, behalwe vir die werk wat deel is van jou self-indiensname. Jy moet ook kan bewys dat jy vir die afgelope jaar jouself en enige afhanklikes met jou eie bronne onderhou, sonder om te werk in ‘n professie buite die omskrywing van “skrywer”. Jou vrou sal jou kan vergesel as afhanklike in die kategorie en sy sal in die VK mag werk, sonder enige werksbeperkings. Dit is ‘n redelik gekompliseerde kategorie en ek sou sterk aanbeveel dat jy met een van ons prokureurs in verbinding tree sou jy besluit om aansoek te doen in dié kategorie.
LitNet: 26 Julie 2006 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
